مراتي حامل وأنت عارف إني عقيم ومش عارف أعمل إيه!
مراتي حامل وأنت عارف إني عقيم ومش عارف أعمل إيه!
رد عليه صاحبه بصدمة نعم! أنت بتقول إيه؟ إزاي الكلام ده يحصل يا أسر؟
قال بتوهان مش عارف يا محمود، بس اللي متأكد منه إن مراتي مستحيل تخوني أبداً.. إحنا متجوزين عن قصة حب كبيرة وبتعاملني بحب واهتمام ملوش وصف، ما أنا بحكيلك كل حاجة بتحصل معايا يا صاحبي.
محمود أيوة حصل.. بس أنت متأكد إنك لسه عقيم يا أسر؟ مش يمكن حصلت معجزة؟ العلم اتقدم والطب ملوش كبير يا صاحبي.
أسر بص ل محمود بمرارة وطلع من جيبه ورقة مطبقة، كان لسه مستلمها من ورا مراته الأسبوع اللي فات. حطها قدام محمود وقال بصوت مخنوق
التحاليل دي لسه مطلعها من كام يوم.. النتيجة صفر يا محمود. صفر. مفيش معجزات في الورق ده.
السكون ساد المكان، ومحمود كان بيقلب الورقة في إيده بذهول، وأسر عينه مش مفرقة الفراغ. وفجأة أسر اتكلم بلهجة غريبة
عارف إيه اللي هيجنني بجد؟ إنها جت بشرتني وهي طايرة من الفرحة، حضنتني وقالتلي أخيراً ربنا استجاب لدعائنا يا أسر.. كانت بتعيط بصدق يا محمود، بصدق خلى عقلي يوقف، لو واحدة بتخون هتمثل بالبراعة دي؟
محمود بجدية أسر، الكلام ده خطر. لو هي واثقة من نفسها أوي كدة، يبقى في حلقة مفقودة في الموضوع. أنت
أسر بصرامة قولتلك مستحيل! سمر دي شريكة عمري، أنا حافظ دبة نملة في حياتها مش من باب الشك، لأ، من كتر ما إحنا قريبين من بعض.. بس النهاردة الصبح، لقيت حاجة في درج مكتبها خلت الدم يتجمد في عروقي.
محمود لقيت إيه؟ انطق!
أسر لقيت روشتة باسمها من دكتور نسا وتوليد.. بس التاريخ بتاعها من سنة فاتت، يعني قبل ما تحمل بكتير، ومكتوب فيها استكمال إجراءات الحقن المجهري!
محمود فتح عينه على آخرهم حقن مجهري؟ ومن وراك؟ بس إزاي ده يحصل ومنين جابت العينة اللي...؟
أسر مقدرش يكمل ووقف فجأة وهو حاسس إن الدنيا بتلف بيه، وقال ده اللي لازم أعرفه يا محمود. لو كانت خانتني كان الوجع أهون، لكن إنها تكون بتخطط لحاجة من ورا ظهري وبالدقة دي.. ده اللي بيموتني بجد.
يتبع.. نور محمد
ياترى أسر هبواجه مراته سمر في البيت، ولا هيروح للدكتور اللي في الروشتة يفهم منه الحكاية؟ القصه مدهشه جدا لو عاوزه الباقي
أسر ما استناش كتير قلبه كان بيخبط بعنف، وعقله مش قادر يستحمل فكرة إنه يعيش دقيقة كمان من غير ما يفهم الحقيقة.
بص لمحمود وقال بحسم أنا مش هستنى
وقف قدام عيادة الدكتور واسمه مكتوب على الباب نفس الاسم اللي في الروشتة. إيده كانت بتترعش وهو بيخبط.
الدكتور اتفضل
أسر دخل وقعد قدامه، طلع الروشتة وحطها على المكتب وقال أنا جوز المريضة دي وعايز أفهم كل حاجة.
الدكتور بص في الورقة، وبص لأسر بتركيز كأنه بيحاول يقيس رد فعله إنت أسر؟
أسر اتفاجئ أيوه إنت تعرفني؟
الدكتور أخد نفس عميق وقال مراتك جاتلي من سنة وكانت مصممة تعمل حقن مجهري.
أسر بعصبية من غير علمي ليه؟! ومنين جابت العينة؟!
الدكتور سكت لحظة وبعدين قال بهدوء هي ما جابتش عينة من حد غريب.
أسر اتجمد يعني إيه؟!
الدكتور
هي جابت عينتك إنت.
أسر قام واقف فجأة مستحيل! أنا عقيم!
الدكتور هز راسه إنت فاكر لما كنت بتعمل تحاليل زمان، وكان فيه مركز خد منك عينة؟
أسر حاول يفتكر وبص للدكتور بصدمة أيوه من سنتين
الدكتور مراتك وصلت للعينة دي عن طريق المركز، واحتفظوا بيها وكان فيها نسبة ضعيفة جداً، لكنها مش صفر زي دلوقتي.
أسر صوته بدأ يهدى بس لسه متلخبط يعني الطفل ده؟
الدكتور ابتسم ابتسامة خفيفة ابنك يا أسر 100.
أسر حس إن رجليه مش شايلاه قعد تاني وهو عينه دمعت طب ليه عملت كده من ورايا؟
الدكتور لأنك كنت رافض
أسر خرج من العيادة وهو تايه بس جواه إحساس غريب بين الوجع والراحة.
وصل البيت فتح الباب بهدوء.
سمر كانت قاعدة مستنياه، أول ما شافته قامت بسرعة أسر! كنت فين؟ أنا قلقانة عليك!
أسر بص لها نفس النظرة اللي كان بيحبها نفس الصدق اللي كان بيكلمه عنه.
قرب منها خطوة وقال بصوت مهزوز ليه يا سمر؟
سمر عرفت فوراً إنه عرف دموعها نزلت وقالت كنت خايفة أخسرك وخايفة تحرمني من إنك تبقى أب حتى لو مش مقتنع.
أسر طب ليه ماقولتيش؟!
سمر كنت هترفض وكنت هتعيش طول عمرك شايف نفسك السبب وأنا مش عايزة كده أنا عايزة ابن شبهك منك حتى لو بطريقة تانية.
سكت لحظة وبعدين فجأة حضنها بقوة.
سمر اتفاجئت أسر؟
قال وهو صوته بيتكسر أنا كنت هموت من فكرة إنك ممكن تكوني خنتيني
سمر بدموع عمري ما أعملها
أسر ابتسم وسط دموعه وأنا طلعت هبقى أب
بعد شهور
أسر كان واقف في المستشفى شايل طفل صغير بيبص في ملامحه ويضحك ده طالع شبهي فعلاً
سمر ضحكت قولتلك
أسر بصلها بحب غلطتي إنك ماقولتيش بس حبك ليا كان أكبر من أي حاجة.
سمر سامحتني؟
أسر سامحتك بس بشرط
سمر إيه؟
أسر بابتسامة مفيش
