اختي ماتت
أختى م اتت من أسبوعين وأندفنت بالفعل بس كل يوم بتيجى لأمي فى الحلم وهى بتصوت وتصرخ
في الاول ماما كانت بتقول..
انه مجرد حلم مزعج او كابوس وهيعدي وهتنساه
لكن المقلق في الامر
ان الحلم كان بيتكرر كل ليلة
وبنفس الكيفية
والكلام دا بيحصل من يوم ما اختي اتوفت
وفضلت ماما علي الحال ده
لغاية ما الحلم اثر علي نفسيتها
وخلاها علي مشارف الجنون
عشان كده
ماما جت في يوم وجمعتني انا واخواتي البنات
وقالتلنا ...
يا بنات....انا اخدت قرار بفتح التربة الي اختكم دعاء مدفونة فيها
لازم افهم.. ليه اختكم بتجيلي في المنام كل ليلة
ولية بتستغيث من زوجي
واشمعني زوجي بالذات يعني
في اللحظة دي
رديت علي ماما
وقلتلتها...
متكبريش الموضوع يا ماما
ملوش لازمة تروحي المقابر
وتنبشي تربة اختي
لمجرد انك حلمتي حلم مزعج
وبعدين الكلام اللي انتي ناوية علية دا لو وصل لجوزك
هيزعل
في اللحظة دي
امي بصتلي بحزن
وبعدها ردت بنبرة كلها اصرار
وقالت...مش عايزة كلام كتير
انا قولت هاروح المقابر واشوف اختكم يعني هروح المقابر
حتي لو هترسي علي طلاقي من الدكتور خليفة
في اللحظة دي اخدتني اختي الكبيرة سلوي
بعيد عن ماما
وقالتلي...اسمعي يا مني
امك اعصابها تعبانة بسبب م وت دعاء
تعالي نروح معاها المقابر
في السر
بدون ما جوزها يعرف
ونخليها تزور اختك يمكن قلبها يهداء وترتاح
فا هزيت راسي با استسلام
وقلت..
ماشي...الي تشوفوه
تعالوا نروح
وفعلا ركبنا انا وماما واخواتي البنات العربية بتاعتنا...
واتجهنا لطريق المقابر
وفي الطريق..فضلت افكر
في.. زوج ماما
وفي افضالة
وقلت لنفسي...
ازاي ماما تصدق في الاحلام والكلام الفارغ ده
وازاي تشك في جوزها اصلا
دا زوجها الدكتور خليفة
راجل محترم ..ومتدين
وبيعمل خير كتير
وياما ساعد ناس ..
بدليل العيادة الخيرية
اللي عملها
عشان يكشف فيها علي الغلابة مجانا
و كفاية انه اتبرع لاخويا بكليته
لما كان محتاج نقل كلية
دا لو ابونا مكانة مكنش هيعمل كده
دا غير احتضانة لينا انا واخواتي ومعاملتة الحسنة مع الجميع
يبقي ازاي ماما تخسر راجل زي ده
لمجرد انها شافت حلم
عموما ادينا رايحين علي المقابر
يمكن ماما تهدى زي ما سلوي اختي قالت
وفضلت ادعي لماما واقول...
ربنا يهديكي يا ماما
واثناء ما كنت شاردة بذهني
لقيت سلوي بتفوقني من شرودي وبتقولي
يلا يا مني عشان ننزل من العربية.. احنا وصلنا
فا بصيت حواليا لقيتنا بقينا في المقابر بالفعل
المهم
اول ما وصلنا للمقابر
دفعنا للتربي رشوة
عشان يفتحلنا المقبرة في السر
وبعد مااستجاب لنا التربي ونفذلنا اللي احنا عايزينة
تراجع للخلف..ومدخلش معانا
احتراما لحرمة الميت
وكل الي عملة هو انه شاور لماما
وقالها..ادخلي اطمني علي بنتك
لكن...
ماما مدخلتش ولا اتحركت
وفضلت متسمرة في مكانها
لان دي كانت اول مره
ماما تيجي فيها للمقابر
من يوم ما دفنت دعاء من اسبوعين
واول ما طلبنا منها انها تدخل جوه المقبرة
وقعت ماما من طولها واغمي عليها
وبصراحة انا كمان كنت هايبة المكان ومرعوبة
وبمجرد ما شوفت ماما مغمي عليها
قعدت جنبها وحاولت افوقها
وساعتها طلبت منهم اننا نرجع عن الي في دماغنا...
ونلغي فكرة الدخول للمقبرة
ونرجع
لكن اختي الكبيرة سلوي كان واخدها الفضول
وقالت طالما جينا لغاية هنا يبقي ندخل وخلاص
اهو علي الاقل
نقطع الشك باليقين ونفهم الحكاية ايه
واخدت في ايدها اختي عايدة
عشان تتونس بيها
و دخلوا الاتنين
التربة عند دعاء
وانا وقفت انتظرهم بره لان ماما كانت مرمية بين ايديا
و مازالت مغمي عليها
لحظتها انا كنت مرعوبة..
لاني كنت فكراهم هيغيبوا جوا ويتركوني لوحدي
لكن اللي حصل
ان اخواتي خرجوا بسرعة من التربة
بعد لحظات من دخولهم
والي فزعني ساعتها اكتر
اني لقيتهم بيجروا عليا وهما بيصرخوا.. ومرعوبين
ولما سالتهم
وقلتلهم..
مالكم فيكم ايه
محدش منهم رد عليا
وقالولي يلا نمشي من هنا بسرعة
وبالفعل اخدنا ماما ورجعنا علي بيتنا
ولما وصلنا البيت كانت ماما فاقت ورجعت لوعيها
فسألتهم تاني
وقلت..ايه الي حصل
انتوا شفتوا اية خلاكم مرعوبين كده
مش هتصدقوا يا جماعة شافوا ايه جوه القبر وايه علاقة اللى شافوه بالكابوس بتاع أمي كل ليلة .. اللى شافوه حاجه صعبه جدا جدا ...فضلت أبص في وشوشهم واحد واحد
سلوي كانت وشها شاحب كأن الدم اتسحب منه
وعايدة كانت بترتعش ودموعها نازلة من غير صوت
قلت لهم بعصبية انطقوا! شفتوا إيه جوه القبر!
سلوي قعدت على الكنبة وحطت إيدها على قلبها وقالت بصوت مكسور يا مني اللي شوفناه مش
طبيعي خالص.
عايدة انفجرت في العياط وقالت دعاء دعاء مكانتش نايمة زي باقي الموتى
قلبي وقع في رجلي. يعني إيه
سلوي بصتلي وقالت لما دخلنا التربة فتحنا الكفن من ناحية وشها لقينا آثار خربشة على الخشب من جوه
وإيديها كانت مجروحة
وضوافرها
ساعتها حسيت الدنيا بتلف بيا. خربشة! ليه!
عايدة شهقت وقالت كأنها كانت بتحاول تطلع
كأنها كانت بتصرخ جوه القبر ومحدش سامعها
سكتوا لحظة
وبعدين سلوي قالت الجملة اللي كسرت ضهري
دعاء ممكن تكون اتدفنت وهي لسه عايشة.
صرخة أمي شقت البيت لااااااااااااااااااااا
بنتي كانت بتستغيث في الحلم
يعني كانت بتستغيث بجد
قعدت تضرب في صدرها وتقول كانت بتنادي عليا وأنا فاكرة حلم
يا حسرتي عليك يا ضنايا
أنا دماغي كان هيقف. طب وماله جوزك ليه كانت بتستغيث منه في الحلم
سلوي بلعت ريقها وقالت لأننا لقينا حاجة تانية
قربت من أمي وقالت بصوت واطي لقينا على رقبة دعاء علامة زرقة
زي اللي يكون حد كاتم نفسها
ساعتها أمي قامت واقفة فجأة وقالت خليفة
هو آخر واحد كان معاها قبل ما تموت.
افتكرت فجأة دعاء كانت تعبانه شوية بس مش لدرجة تموت
والدكتور خليفة هو اللي قال دي أزمة نفسية خدوا الدوا ونامت
هو اللي كتب شهادة الوفاة
وهو اللي استعجل الدفن
أمي وقعت على الأرض وقالت يبقى بنتي كانت بتموت وهو سايبها
أو
وسكتت شوية
هو اللي خلص عليها.
البيت كله دخل في صمت تقيل
كأن الجدران نفسها سامعة ومرعوبة
قلت طب نعمل إيه دلوقتي
أمي مسحت دموعها وقالت بنبرة عمرها ما طلعت منها هنبلغ الطب الشرعي
وهفتح قبر بنتي رسمي
ولو خليفة ليه إيد في موتها
أنا بنفسي هكون شاهدة عليه.
وبالفعل بعد يومين
اتفتح القبر بمعرفة النيابة
وتأكد إن سبب الوفاة اختناق قبل الموت مش بعده
والتحقيقات بدأت
ولما واجهوا الدكتور خليفة
انهار
فدخل معاها في خناقة
وكتم نفسها غلط
زي ما
وبعدين ادعى إنها ماتت طبيعي.
أمي اتطلقت
وخليفة اتحبس
ودعاء أخدت حقها بعد موتها
ومن ساعتها الحلم وقف.
أمي قالتلي مرة كانت روحها عايزة حد يسمعها
ولما سمعناها ارتاحت.
