لو الفار مات

ولبست ونزلت ملقتش المصيدة!
اي يحارة هو عشان لبستلي كام طقم نضيف بقيت مستر لا اصحوا دا انا التربية متعدتش علي باب بيتنا
أنا الي خدت المصيدة يحبيبتي فيه فار كد عاوزة اجيب أجله 
لا أنا عوزاه حي
نعم
قصدي يعني جبتي رجليه ولا لسه يا ام حمادة
اه الحمد لله هروح أرميه اهو وهرجع اجبلك المصيدة
لا حلال عليكي المصيدة يقلبي هاتي الفار
فار أي يمريم الي انتي عوزاه!
هاتي الفار يطنط بالله عليكي أنا مستقبلي علي المحك 
خدت الفار في علبة وروحت الكلية 
_ ها جبتيه يمريم
اه يدكتور الحمد لله انت متعرفش أنا عانيت قد أي عشان اجيبه طلع صيد الفيران اصعب من صيد العرسان
_ بتقولي حاجة 
نجحني بقي يدكتور بالله عليك أنا مش عاوزة مجموعي يقع 
_ انتي شكلك المقبول مقوي قلبك 
عدلت النضارة بتاعتي لما ابقي زميتلك في الكلية هنشوف 
بصلي ورفع حاجبه _ زميلتي ماشي هنشوف 
بهزر معاك يدكتور تري مزحة تري فكاهة 
_ هو انتي فارك مات
اي
بصيت علي العلبة لقيت الفار مقلوب 
ما يمكن بياخد قيلولة ثواني ثواني هي ام حمادة حطت في اللانشون سم 
_ طب الفار لما قلبه يقف ويموت بنعمله اي
بردو!!
كان من أصعب الدكاترة الي

عدت علينا جد ووشه خشب مبيضحكش! محدش كان يتسجر يعمل صوت في سكشنه علي الرغم من كد شرحه مكنش فيه ولا غلطة كان بقالنا زمان مجلناش معيدين بيشرحوا حلو كد 
كنت بروح الكافيه الي جنب الكلية كل يوم اخد فيه فنجان القهوة بتاعي كنت بلاقيه علي طول هناك وانا مالي اكيد مش هروح اسأله يعني منا لما بشيل المادة بزعل . 
انت بتاكل هنا علي طول اصل يعني بشوفك علي طول بتتغدي هنا
_ اهلا يمريم تاكلي معايا 
لاء شكرا الف هنا هسيبك عشان تاخد راحتك
_ مريم تاكلي معايا 
شرف ليا والله يدكتور بس بجد مش جعانة
_ طب اعملي مشروع تخرج مفهوش غلطة بقي
اطلبلي ربع فرخة أنا ميتة من الجوع 
ضحك _ اقعدي 
طلبنا اكل وكلنا وبعد كد طلبنا قهوة 
_ متشكر انتي متعرفيش الخدمة الي عملتهالي دلوقتي 
هو انا ممكن اسأل حضرتك سؤال انت لي دايما زعلان  
_ مش زعلان بس انا متعودتش افرح 
لي دا ابسط حاجة الإنسان يعملها أنه يضحك تفتكر فيه حاجة تستاهل انك تفضل قافل علي نفسك 
_ فيه بس.. 
سكت كتير ورجع بصلي _ انتي متعرفيش يعني اي تربية في ملجأ 
بصيتله بصدمة حضرتك كنت..
_ ابويا وامي ماتوا في حادثة من وانا تلت سنين وعمي وداني ملجأ فضلت كل يوم اسأل أنا عملت أي غلط اكيد عمي هيروح مشوار ويرجع ياخدني تاني لما سألت امي راحت فين قالوا عند ربنا ف سألتهم هترجع امتي محدش كان بيرد ف فضلت مستني حد يجي ياخدني عشت كل الي فات حوالين أسئلة ملقتش ليها أي إجابة ولما اجي الوم نفسي عشان اخفف من الإحساس الي بحسه كل يوم بلاقي نفسي مليش ذنب! كل المشكلة اني كنت شقي حبتين لو كنت أعرف كنت قولتله متسبنيش هنا وهبقي هادي والله وهسمع الكلام فضلت طول عمري لوحدي الاكل ب ميعاد والكلام ب استئذان حتي اللعب ب شروط لما كبرت ودخلت المدرسه بدأت افهم وقولت لازم أبقي واحد كويس ومحترم ولما تميت ال١٨ سيبت الدار وحياتي كلها كانت مذاكرة في ثانوية عامة وبعدها كلية واشتغلت كتير عشان المصاريف ودلوقتي زي منتي شايفة دكتور ميعرفش حتي يحبب الي حواليه فيه مش عارف ابقي كويس والي حواليا مكنوش كويسين انا بحاول بس انا مش عارف ادي حاجة مخدتهاش 
عيطت! الصورة الخارجية كانت ممتازة دكتور وليه شخصية والكل بيهابه جواه طفل اتحرم من كل احاسيس الطفولة والشباب ومش عارف يتخطي أو ينسي عشان ب اختصار كانت حياته 
أنا اسفة بجد مش قصدي اضايقك
نفخ براحة _ لاء مضايقتش أنا أول مرة احكي لحد وحاسس اني بقيت احسن انتي من الناس المريحة يمريم 
وانت كمان علي فكرة فيه مننا كتير عاوزين يبقوا زيك 
_ بجد
بس لو تسامحني في موت فيران التجارب وتمشيها أنه قضاء وقدر هيبقي احسن 
ضحك _ في السكشن لما تغيبي كله بيسأل عليكي ولما بتدخلي كله بيكون مبسوط مكنش سهل أبدا تسيبي أثر فيهم كلهم مش كد
اسهل مما تتخيل جدتي كانت دايما بتقولي خليك طيب تكسب قلوب الناس وانا بحاول 
_ وانتي طيبة 
وانت كمان طيب 
_ انتي هتقعدي تتسايري معايا لحد امتي معلش 
هو انت بجد عندك انفصام شخصيه ولا انت فيه اي
ضحك _ أنا لازم امشي دلوقتي عشان ورايا شغل كتير
استني هتيجي تتغدي هنا بكرة بردو 
_ إن شاء الله معرفش مكان غيره 
ممكن تقبل عزومتي علي الغدا بكرة  
_..
مش رشوة بس انا حكيت لماما عنك كتير وعوزاها تتعرف عليك
_ حكتيلها عني! 
اه قولتلها انك بتنيمنا من المغرب وانك ميقدرش عليك غير ربنا 
_ يعني لما صراحتك توديكي في داهية دلوقتي هتستفادي اي
ضحكت يبقي موافق هبقي ابعتلك اللوكيشن علي الواتس سلام 
مشيت وانا بفكر في كلامه لأول مرة مشوفوش الدكتور الصعب الحازم كان شاب بيتمني يبقي مبسوط وبس! 
روحت قولت لماما اني عزمت الدكتور بتاعي علي الغدا ودخلت نمت