كنت فاكرة اني ببيع دهبي
كنت فاكرة إني ببيع دهبي عشان نسدد ديون أبويا.. بس اللي اكتشفته في مكتب المحامي شل لساني!
قاعدة قدام المحامي وأنا بفرك في إيديا من التوتر هدومي باهتة وقديمة وجزمتي الكوتشي مقطوعة من الجنب ومخيطاها بإيدي عشان مفيش فلوس نجيب غيرها.
المحامي متر جلال ده صديق أبويا الله يرحمه بص لي من فوق نضارته باستغراب وقال
يا بنتي هو إيجار العمارة بتاعة المعادي ال 60 ألف جنيه اللي بيطلعولك كل شهر مش مكفيين مصاريفك إنتي وجوزك جايين تبيعوا الشقة اللي ساكنين فيها ليه
الكلمة نزلت عليا زي الصاعقة! حسيت إن الأوضة بتلف بيا.
قولت بصوت مبحوح وريقي ناشف عمارة إيه يا متر وإيجار إيه ده عصام جوزي قالي إن بابا ماټ مديون وإن البنك حجز على العمارة من سنتين وإحنا عايشين على السلف وببيع عفش بيتي حتة حتة عشان نسدد للناس!
المتر جلال قام وقف مخضوض وشه احمر من الڠضب مديون إيه ده أبوكي الله يرحمه كان مأمن مستقبلك! العمارة دي بتدخل دهب وأنا بنفسي بسلم الشيكات ل
حسيت ببرودة بتسري في جسمي كله. افتكرت عصام وهو بياخد مني التوكيل يوم ۏفاة بابا وهو بيعيط ويقولي أنا هشيل عنك الهم يا حبيبتي خليكي إنتي في حزنك.
افتكرت لما خلاني أنزل اشتغل في حضانة ب 800 جنيه في الشهر عشان نلاقي ناكل وهو قاعد في البيت بحجة إنه بيدور على شغل يليق بمقامه.
افتكرت الذل اللي شوفته وأنا بستلف من الجيران تمن الدوا لما تعبت وهو بيقولي معلش يا روحي استحملي لحد ما نسدد ديون المرحوم.
سنتين! سنتين وأنا عايشة في فقر وذل وهو بياخد 60 ألف جنيه كل شهر بيحطهم في جيبه!
المحامي كان لسه هيتكلم بس فجأة باب المكتب اتفتح..
دخل عصام جوزي كان لابس بدلة جديدة براند وساعة بتلمع في إيده وريحة البرفان الغالي فاحت في المكتب. كان بيتكلم في تليفون أيفون أحدث موديل وبيضحك بصوت عالي ويقول
أيوه يا باشا جهزلي العقد أنا جاي أنا والمدام نمضي بيع الشقة
أول ما شافني قاعدة مڼهارة والمحامي واقف وشه ميتفسرش الضحكة اختفت وملامحه اتبدلت وقال بتوتر وهو بيحاول يداري الموبايل والمفتاح اللي في إيده
إيه يا نور.. خلصتي ولا لسه المتر بيعطلك ليه
المحامي بص ل عصام نظرة خلت ركبه تخبط في بعضها وطلع ملف أزرق من الدرج ورماه قدامي على المكتب وقال بصوت جهوري
لا يا أستاذ عصام.. إحنا مخلصناش.. إحنا لسه هنبدأ.. اقري الورقة دي يا مدام نور قبل ما جوزك ينطق بحرف!
مسكت الورقة وإيدي بتترعش دي مكنتش ورقة بيع الشقة.. دي كانت كشف حساب بنكي سري باسم عصام فيه ملايين.. وفيه تحويلات باسم واحدة تانية.. والمفاجأة إن الاسم ده أنا عارفاه كويس أوي!
عصام صړخ وھجم عليا يحاول يخطف الورقة هاتي الورقة دي يا مچنونة!
يا ترى نور هتعمل إيه ومين هي الواحدة اللي عصام بيحولها فلوس نور وشقا أبوها
وهل المحامي محضر مفاجأة تانية توديه ورا الشمس
لو عايز تعرف باقي القصة وازاي نور
الكاتبه_نور_محمد
الجزء الثاني سقوط القناع.. وعدالة السماء
المتر جلال خبط بعصايته على المكتب خبطة رعبت عصام وخلته يتسمر مكانه وقال بصوت جهوري
إيدك يا حرامي! فكرك إنك في زريبة الورقة دي صورة طبق الأصل الأصل خلاص راح النيابة الصبح مع بلاغ رسمي بخېانة الأمانة والڼصب!
عصام وشه جاب مېت لون العرق بدأ ينزل من قورته على البدلة الغالية وبص لي بتوسل وقال يا نور.. يا حبيبتي متصدقيش المحامي ده ده عايز يوقع بينا! الفلوس دي أنا كنت محوشها عشان أعملك مفاجأة والتحويلات دي كانت... كانت...
قاطعه المتر جلال بضحكة سخرية كانت ل سها.. مش كده سها سكرتيرتك السابقة اللي إنت متجوزها عرفي بقالك سنتين وبتصرف عليها من خير مراتاك وفلوس يتامى!
الكلمة نزلت عليا زي السکينة في قلبي.. سها البنت اللي كانت بتيجي تطلب مني سلف وټعيط عشان أمها عيانة البنت اللي كنت بقلع اللقمة من بوقي واديهالها طلعت ضرتي وبتتصرف عليها بفلوسي
حسيت بڼار
