بنتي جابت زميلتها بقلم الهواري

بنتي جابت زميلتها الغلبانة تعزمها على العشا.. وفجأة وقعت حاجة من شنطتها خلت دموعي تنزل وجسمي يقشعر!
ماما.. ليلى هتاكل معانا النهاردة.
بنتي سلمى قالتها بصيغة أمر، مش رجاء.
كنت واقفة قدام البوتاجاز، بحاول أخلي الأكل يكفينا إحنا الأربعة.. الدنيا غليت والخضار بقى نار. ودلوقتي بقوا خمسة! البنت اللي واقفة وراها كانت عايزة تختفي من الكسوف.. لابسة سويت شيرت واسع في عز الحر، جزمتها دايبة، وعينيها في الأرض مابتترفعش.
دي ليلى صاحبتي، سلمى قالت ببرود.
رسمت ابتسامة بالعافية أهلاً يا حبيبتي.. اتفضلي خدي طبق.
بدأت أحسبها في سري.. نقلل اللحمة، نكتر الرز.. يمكن محدش يحس.
العشا كان هادي جداً.. جوزي حاول يفتح كلام، وليلى كانت بترد بوشوشة، يا دوب صوتها مسموع.
بس كانت بتاكل..
ببطء.. بتركيز.. وبنهم.
كأنها مادقتش أكل بيتي من قرن.
شربت كوباية مية ورا التانية.. وأي حركة مفاجئة في البيت كانت بتخليها تتخض وتتشنج.
أول ما مشيت، لفيت لبنتي
يا سلمى، مينفعش تجرجري الناس كدة على البيت.. إحنا يا دوب ممشيين حالنا بالعافية!
يا ماما دي ماكلتش طول اليوم.
ده مش مبرر إنك
كانت هيهبط منها في الفصل تاني! سلمى قطعت كلامي بوجع، باباها شغال ليل نهار عشان يسدد مصاريف المستشفى، والنور اتقطع عندهم الأسبوع اللي فات.
سكتت مكاني..
أنا كنت شايلة هم الحلة هتكفي ولا لأ.. وهي شايلة هم اليوم هيعدي ولا لأ.
هاتيها تاني بكرة، قلتها بصوت واطي.
بجد يا ماما؟
آه.. بكرة وكل يوم.
وبقى ده نظامنا..

تذاكر على الرخامة، تتعشى، وتمشي.
ماتطلبش زيادة.. ماتتكلمش كتير.. تاكل اللي موجود وبس.
لحد ما جه يوم، والشنطة بتاعتها اتزحلقت من على كتافها وخبطت في الأرض.
فيه حاجة وقعت منها..
مش كتب..
ولا كشاكيل..
وطيت أجيبها.. وفي اللحظة اللي شفت فيها هي كانت شايلة إيه.. جسمي كله تلج ونفسي انقطع.
بصيت لها بذهول.. وهي اتجمدت مكانها ووشها بقى أبيض زي الورقة.
ليلى.. إيه اللي أنا شايفاه ده؟! ده شريط دوا مسكن قوي جداً.. وجهاز قياس سكر؟!
ليلى نزلت راسها وبدأت تعيط بشهقات تقطع القلب يا طنط.. ده مش ليا.. ده لبابا.. هو مابياكلش عشان يوفر لي اللقمة، وأنا بخبي الأكل اللي بتديهولي في منديل عشان أديهوله لما أروح.. والسكر عنده بيعلى من كتر التعب.
تفتكروا الأم هتعمل إيه لما تكتشف إن ليلى كانت بتمثل إنها بتاكل قدامهم وهي في الحقيقة كانت بتشيل منابها لباباها المريض؟ وهل العيلة هتقدر تساعد الأب اللي بيضحي بحياته عشان بنته، ولا الفقر هيكون أقوى منهم؟
وسلم
وقفت مكاني وأنا ماسكة الحاجات اللي وقعت من شنطتها إيدي بتترعش، وقلبي بيدق كأنه هيكسر ضلوعي.
بصيت لليلى تاني نفس البنت اللي كنت فاكرة إنها بتاكل بنهم طلعت في الحقيقة كانت بتمثل.
بتمثل الشبع عشان تاخد الأكل لحد تاني.
دموعي نزلت من غير ما أحس.
قعدت قدامها على الأرض، ومستحملتش نفسي حضنتها جامد.
ليه يا بنتي؟ ليه تعملي في نفسك كدة؟
كانت بتعيط وهي بتتكلم بالعافية أعمل إيه يا طنط؟ بابا بقى تعبان أوي مبقاش قادر يشتغل زي الأول والدوا غالي ولو كلت أنا وهو، مش هيكفينا
الكلام كان سكينة في قلبي.
بصيت لجوزي لقيت عينيه مليانة دموع هو كمان، وساكت بس واضح إنه متأثر زيي بالظبط.
سلمى كانت واقفة ورا ليلى، ومش قادرة تمسك نفسها من العياط.
قومت بهدوء مسحت دموعي وقلت بحزم
مفيش حد هيشيل الأكل في منديل تاني.
ليلى رفعت عينيها بخضة يعني مش هتيجي تاني؟
قربت منها ومسكت وشها بين إيديا لا يا حبيبتي يعني هتيجي إنتي وباباكي كمان.
سكتت لحظة كأنها مش مصدقة.
بكرة بعد المدرسة هتروحي تاخدي باباكي وتيجوا هنا مفهوم؟
هزت راسها وهي بتعيط بس المرة دي كان عياط مختلف فيه راحة.
تاني يوم
الباب خبط بخفة.
فتحت لقيت ليلى واقفة ومساندة راجل شكله مهدود وشه أصفر وجسمه ضعيف.
ده بابا يا طنط
مد إيده يسلم عليّ بإحراج أنا آسف تعبتكم معانا
قاطعته فورًا تعب إيه بس إنت في بيتك.
دخل وقعد وكان باين عليه الإحراج الشديد، كأنه مش متعود يطلب أو يقبل مساعدة.
جهزت الأكل المرة دي حطيت كل اللي عندي من غير حسابات.
قلت بحزم الأكل ده لازم يتاكل كله ومفيش توفير النهاردة.
بص لبنته وبعدين بصلي وعينه لمعت.
بدأ ياكل ببطء في الأول وبعدين فجأة كأنه افتكر طعم الأكل.
ليلى كانت بتبصله وهي مبتسمة لأول مرة.
بعد العشا
جوزي قاله إنت شغلك إيه يا عم حسين؟
قال بصوت مكسور كنت شغال نجار بس تعبت ومبقتش أقدر أقف كتير.
سكت جوزي شوية وبعدين قال طب إيه رأيك تيجي معايا الورشة؟ الشغل مش تقيل ونظبط الدنيا سوا.
الراجل بصله بذهول بجد؟
بجد.
ساعتها أنا شفت حاجة عمري ما هنساها
راجل كبير دموعه نزلت مش من الوجع
من الكرامة اللي رجعتله.
الأيام عدت
ليلى مبقتش تيجي تاكل بس
بقت تيجي تضحك.
وباباها بقى يشتغل حتى لو ساعات قليلة بس بقى واقف على رجله.
وأنا
كل مرة بحط الأكل
بفتكر اليوم اللي كنت قلقانة فيه إن الحلة مش هتكفي
واكتشفت إن اللي بيكفي فعلاً
مش الأكل
اللي بيكفي هو القلب.
ومن يومها علمت ولادي حاجة واحدة
اللقمة اللي بتتشارك عمرها ما بتخلص عدّى كام شهر
والبيت اتغير مش في شكله، لكن في روحه.
ليلى بقت زي بنتي بالظبط تدخل من غير ما تخبط، تضحك، تهزر مع سلمى، وتساعدني في المطبخ كأنها متربية هنا من زمان.
وأبوها عم حسين بقى يروح مع جوزي الورشة كل يوم.
مش بيشتغل كتير صحته لسه تعبانة بس بقى عنده سبب يصحى من النوم.
وبقى ياكل.
كويس.
في يوم
كنت قاعدة بحضر الغدا، سمعت صوت ضحك عالي جاي من الصالة.
بصيت لقيت عم حسين بيحكي حاجة، وسلمى وليلى ميتين من الضحك.
وقفت أتأملهم من بعيد
وقلبي اتملى بحمد ربنا.
وفجأة
ليلى قامت وجت ناحيتي، ماسكة حاجة في إيديها.
طنط ممكن دقيقة؟
تعالي يا حبيبتي.
مدّت لي ظرف صغير
قديم ومطوي بعناية.
ده إيه؟
افتحيه بس
فتحته
ولقيت جواه فلوس.
مش كتير بس متجمعة.
بصيت لها بدهشة إيه ده يا ليلى؟!
قالت وهي مبتسمة بخجل أول مرتب لبابا خد جزء صغير وقال لازم نرجع حاجة من اللي عملتوه معانا.
اتصدمت
وبصراحة اتضايقت شوية.
إنتي بتهزرِي؟ إحنا عملنا واجب
قاطعتني بهدوء عارفة يا طنط بس بابا قاللي لو ماعملناش كدة هيحس إنه لسه بياخد بس وهو عايز يحس إنه بيرد حتى لو حاجة بسيطة.
سكت
الكلام لمس قلبي بطريقة غريبة.
بصيت ناحيتهم
لقيت