انا وجوزي بقلم اماني سيد
الموضوع ده أخويا.
ردت عليه بسرعة
وأنا مش جمعية خيرية.
وبعدين كملت كلامها بهدوء شديد
لو عايز تديه الشقة بسيط جداً.
سكتوا الاتنين مستنيين تكمل.
قالت
ادفع لي نص تمنها ونصيبي في العفش كمان وأنا همضي له تنازل دلوقتي.
رامي بلع ريقه وقال يعني كام؟
ردت وهي بتقلب في الورق تقريباً مليون ومتين ألف.
السكوت نزل عليهم زي الطوبة.
رامي قال بعصبية إنتي بتتكلمي بجد؟!
منار ردت ببرود
طبعاً ولا كنت فاكرني هسيب تعب سنين الغربة ببلاش؟
هادي حاول يهدّي الموقف وقال يا منار احنا أهل
قاطعته وهي بتبص له بحدة
الأهل ما يسرقوش
خطيبة رامي بدأت تهمس له إحنا نمشي يا رامي الموضوع شكله كبير.
رامي بصلها بغضب وبعدين بص لهادي وقال
أنا ماليش دعوة بالمشاكل دي حلها مع مراتك.
وبدون كلمة تانية سحب خطيبته ومشي.
المدخل بقى فاضي غير منار وهادي.
هادي قال بصوت واطي إنتي كسفتيني قدام أخويا.
منار ضحكت ضحكة قصيرة وقالت
أنا؟ أنا اللي كسفتك؟
قربت خطوة وقالت
أنا اللي وقفت جنبك في الغربة واشتغلت زيك ووفرنا القرش بالقرش.
وبعدين أشارت للشقة القديمة
وفي الآخر ترجعني هنا عشان أخوك يتفسح؟
هادي سكت ومكانش عنده رد.
منار طلعت مفتاح الشقة القديمة
وقالت بهدوء
لو شايف إن ده عدل يبقى عيش فيه لوحدك.
هادي رفع عينه بسرعة يعني إيه؟
قالت بثبات
يعني أنا هسكن في شقتي.
وبدون ما تستنى رد طلعت من شنطتها المفتاح التاني.
مفتاح الشقة الجديدة.
لأن الحقيقة اللي هادي ماكانش يعرفها
إن منار أول ما شكّت من تصرفاته قبل السفر كانت طالبة من البواب يغير كالون الشقة.
طلعت السلم بهدوء وهادي واقف تحت مش فاهم حاجة.
وصلت للدور الخامس فتحت الباب.
ريحة العفش الجديد خرجت تستقبلها زي ما كانت بتحلم.
دخلت الشقة وقفت في نص الصالة الكبيرة وبصت حواليها.
ابتسمت لأول مرة من ساعة ما نزلت.
وبعدين قالت لنفسها بهدوء
الغربة كانت سنين التعب لكن الوجع الحقيقي لما الواحد يتغدر بيه من أقرب الناس.
قفلت الباب وراها
والمرة دي قفلته على حقها.
وفي نفس الليلة
رامي اتصل بهادي وقال له ببرود
إحنا فسخنا الخطوبة أبو البنت لما عرف حكاية الشقة قال إن اللي ياكل حق مراته ممكن ياكل حق أي حد.
وقتها بس
هادي فهم إنه خسر كل حاجة في يوم واحد.
أخوه
وخطيبته
وأهمهم
منار.
أما منار
فوقفت في بلكونة شقتها الجديدة تبص للشارع
وقالت لنفسها
اللي يتعب يستحق يعيش.
والحكاية خلصت
بس الدرس
إن الطيبة حاجة
والتفريط في الحق حاجة تانية خالص.
