بنتي رمتني بقلم الهواري
قول!
في حالة حدوث أي تلاعب أو تزوير في الوصية يُحرم الطرف المتسبب من كامل الميراث وتؤول كل الممتلكات للطرف الآخر الشرعي
سكت وبص لي وده يفسر ليه ابنك كريم قدم البلاغ.
مخي بدأ يربط.
شيرين زوّرت الوصية
وطردتني عشان تستولى على كل حاجة
وكريم
رجع فجأة وفضحها.
لكن السؤال اللي كان بيحرقني هو فين كريم؟
لسه هسأل الموبايل رن تاني.
المرة دي الأستاذ عصام بص لي وقال ده رقم غريب ممكن يكون هو.
رد وفتح السبيكر.
صوت راجل هادي بس فيه قوة أنا كريم.
قلبي وقف.
إنت فين يا ابني؟!
سكت ثانية وبعدين قال أنا تحت المكتب.
نزلت جري وأنا مش حاسة
أول ما خرجت شفته.
واقف قدام العربية أكبر وشه فيه تعب السنين بس هو هو.
حضنته وعيطت إنت عايش وسايبني كده؟!
قال بهدوء ما كنتش أقدر أرجع غير دلوقتي.
بصيت له ليه؟
قال وهو بيبص في عيني عشان الحقيقة كانت لازم تظهر.
بعد 3 أيام
كنت قاعدة في نفس الشقة بس المرة دي أنا صاحبتها.
القضية اتحولت للنيابة والتزوير اتكشف
وشيرين بقت مهددة بالسجن.
كنت لسه بحاول أستوعب كل اللي حصل
لحد ما الباب خبط.
فتحت
لقيتها واقفة.
شيرين.
بس مش شيرين اللي أعرفها.
وشها شاحب عينيها حمرا وشعرها مش متظبط لأول مرة.
أول ما شافتني
انهارت.
نزلت على ركبتها
سامحيني يا ماما أنا غلطت كنت خايفة أخسر كل حاجة.
بصّيت لها وسكت.
قالت وهي بتعيط تامر هو اللي ضغط عليا قال لي لازم ناخد كل حاجة قبل ما كريم يظهر أنا اتغميت وطمعي عمّاني
سحبت إيدي بهدوء.
وقلت مش تامر اللي رباكِ.
سكتت.
كمّلت أنا اللي ربيتك ودي النتيجة.
بصّت في الأرض وقالت بصوت مكسور هتسيبيني أدخل؟
وقفت شوية وبعدين وسّعت الباب.
دخلت وهي بتمسح دموعها.
لكن قبل ما تقعد قلت
اسمعي كويس يا شيرين
بصّت لي.
أنا سامحتك عشان أنا أم.
دموعها نزلت أكتر.
بس عمري ما هرجع أثق فيكِ زي الأول.
سكتت وهزّت راسها.
وأي حاجة هتحصل في القضية إنتِ اللي تتحملي نتيجتها.
في اللحظة دي كريم خرج من الأوضة.
شيرين أول ما شافته اتصدمت إنت!
بص لها ببرود الحق لازم يرجع.
عدت الأيام
وشيرين بدأت تدفع تمن اللي عملته قانونيًا ونفسيًا.
وأنا
رجعت بيتي.
بس المرة دي مش كمرات الحاج
رجعت كصاحبة حق.
وفي ليلة هادية
كنت قاعدة أنا وكريم نشرب شاي.
قلت له قولي بقى كنت فين كل السنين دي؟
ابتسم ابتسامة خفيفة وقال
الحقيقة يا أمي إن أنا ما سافرتش بره بس
أنا كنت بهرب من سر
بصيت له سر إيه؟
بص في عيني وقال بهدوء
سر لو كنت عرفتيه بدري
مكنش زمانك استحملتي بابا كل
اتجمدت.
يعني إيه؟!
ابتسم ابتسامة غامضة
وقال
دي حكاية تانية خالص
