قصة الملياردير بقلم زيزي

دموعه.
أنا أنا بابا.
الولد بص لأمه محتار مش فاهم.
نجلاء قالت له بهدوء
ده باباك يا يوسف.
يوسف قرب خطوة وبص لكريم وقال
أنت بجد بابا؟
كريم ماقدرش يمسك نفسه دموعه نزلت
آه بس بابا غبي اتأخر قوي.
بص لنجلاء وقال بصوت مكسور
أنا عايز أصلّح كل حاجة عايز أكون موجود ليكي وليه.
نجلاء سكتت شوية وقالت
السنين اللي فاتت مش هترجع يا كريم بس لو عايز تكون أب بجد الباب مفتوح ليوسف.
كريم بص لابنه
وفي اللحظة دي الراجل اللي كان عنده كل حاجة في الدنيا،
اكتشف إن أهم حاجة كانت ناقصة منه طول عمره
وكانت واقفة قدامه طول الوقت وهو اللي ضيعها. كأنه بيحاول يعوض سنين كاملة في لحظة واحدة.
لكن وهو ماسك ابنه حس بحاجة غلط.
في حاجة مش راكبة.
رفع عينه وبص لنجلاء
إنتي قولتي إن أهلي منعوكي توصلي لي إزاي؟ أنا عمري ما سمعت حاجة زي دي!
نجلاء بلعت ريقها واضح إنها مترددة.
مش كل حاجة كانت بإيدهم يا كريم
كريم ضيق عينه
تقصدّي إيه؟ قولي كل حاجة من غير ما تخبي.
سكتت لحظة وبعدين قالت
مراتك هنا كانت عارفة إني حامل.
كريم اتجمد.
مستحيل هي كانت بتقولي إنك سافرتي بإرادتك!
نجلاء هزت راسها بأسى
هي اللي طردتني وهددتني. قالتلي لو حاولت أقولك، هتدمر حياتي وهتاخد ابني مني أول ما يتولد.
كريم قبض إيده بعصبية
بس هنا ماتت من 3 سنين ليه ما رجعتيش بعدها؟!
نجلاء بصت له نظرة غريبة فيها خوف قديم لسه عايش
عشان اللي كان بيدير الموضوع مش هنا لوحدها.
كريم اتنهد بعصبية
مين؟!
قبل ما ترد
صوت عربية وقف برا البيت.
الثلاثة بصوا ناحية الباب.
يوسف مسك في هدوم أمه
ماما ده الراجل ده بييجي كل أسبوع
قلب كريم دق بسرعة
مين ده؟
نجلاء وشها شحب فجأة
امشي يا كريم دلوقتي حالًا!
لكن كان فات الأوان.
خبط جامد على الباب
افتحي يا نجلاء عارف إنك جوه.
كريم قرب من الباب وقال بهدوء خطر
إنتي مش هتفتحي أنا هفتح.
فتح الباب فجأة.
قدامه وقف راجل في الخمسينات لابس بدلة غالية، ونظراته حادة.
أول ما شاف كريم ابتسم ابتسامة باردة.
أخيرًا قابلتك يا كريم.
كريم اتفاجئ
حضرتك تعرفني؟
الراجل رد بثقة
طبعًا أنا اللي كنت بحافظ على إنك ما تعرفش الحقيقة.
الصدمة ضربت كريم
إنت مين؟!
الراجل قال بهدوء
أنا شريك أبوك القديم والوصي على جزء كبير من ثروتك.
كريم اتعصب
إنت بتهزر؟!
الراجل قرب خطوة
مش بهزر وأنا اللي اتفقت مع هنا إنها تبعد البنت دي عنك.
كريم صرخ
ليه؟! ليه تعملوا كده؟!
الراجل بص ليوسف وبعدين رجع لكريم
عشان ابن زي ده كان هيغيّر كل حاجة.
كريم حس ببرودة في جسمه
إيه اللي تقصده؟
الراجل ابتسم
أبوك قبل ما يموت كتب وصية محدش يعرفها غيري.
كريم قرب منه بعصبية
قول!
الراجل قال ببطء
نص ثروتك كان هيروح لأول حفيد ليه من دمك مش لأي حد تاني.
كريم اتجمد.
بص ليوسف وبعدين للراجل.
يعني كنتوا عايزين تخبوا ابني عشان الفلوس؟!
الراجل رد ببرود
مش بس كده كنا مستنيين اللحظة المناسبة.
كريم صرخ
لحظة إيه؟!
الراجل ابتسم ابتسامة سودا
لحظة ناخد فيها كل حاجة من غير ما يكون في وريث ينافسنا.
كريم وقف قدامهم وقال بصوت مليان غضب
قربتوا منهم هتندموا.
الراجل ضحك
دلوقتي فاكر تبقى أب؟ بعد 8 سنين؟
كريم قال بثبات
آه ومتأخرش تاني.
طلع موبايله بسرعة واتصل
جابر هات الأمن فورًا وفي محامي كمان حالًا.
الراجل وشه اتغير
إنت بتلعب بالنار يا كريم.
كريم قرب منه وقال بهدوء مرعب
أنا النار نفسها.
بعد ساعة
الشرطة كانت موجودة، والراجل اتحط في عربية الترحيلات.
طلع إن في شبكة كاملة كانت بتلعب في ورث كريم، ومخبية وصايا وأوراق سنين.
كريم رجع بص لنجلاء ولابنه.
الهدوء رجع للمكان بس الدنيا اتغيرت خلاص.
قال بهدوء
المرة دي مش همشي.
نجلاء بصت له وقالت
إثباتك مش بالكلام باللي هتعمله.
كريم ركع قدام يوسف وقال
مستعد أبدأ من الأول لو إنت موافق.
يوسف بص له شوية وبعدين ابتسم ابتسامة صغيرة.
بس ما تتأخرش تاني يا بابا.
كريم ودموعه نزلت.
الليلة دي
ما كانتش بس بداية حرب على ثروة
دي كانت بداية استرجاع حياة كاملة
اتسرقت منه
ورجع ياخدها بإيده الليل كان هادي بعد ما الشرطة مشيت بس الهدوء ده كان مخادع.
كريم قاعد على الكنبة القديمة، باصص ليوسف اللي نام 
قلبه مليان مشاعر متلخبطة فرحة، ندم، وغضب لسه مولع جواه.
قال بصوت واطي
مش هسيبهم اللي عملوه ده مش بسيط.
نجلاء ردت بهدوء
خلي بالك يا كريم الناس دي مش سهلة.
كريم بص لها بثبات
ولا أنا سهل.
تاني يوم الصبح
الدنيا انفجرت.
خبر القبض على شريك أبوه انتشر، ومعاه تسريبات عن فساد، تزوير وصايا، وتحويلات فلوس مشبوهة.
بس المفاجأة الأكبر كانت رسالة وصلت لكريم على موبايله.
رقم مجهول.
فتحها
فاكر إن الموضوع خلص؟ دي كانت أول خطوة بس. لو عايز ابنك يفضل عايش ابعد.
إيد كريم شدت على الموبايل.
العِرق في رقبته شد.
نجلاء لاحظت
في إيه؟
كريم حاول يهدى
ولا حاجة
لكن يوسف صحي على صوته العالي شوية
بابا في حاجة؟
كلمة بابا وقعت عليه تقيلة ومسؤولة.
بص له وقال بابتسامة مطمنة
مفيش حاجة يا بطل أنا موجود.
بس جواه كان عارف إن الخطر لسه بادئ.
بعد ساعات
كريم نقل نجلاء ويوسف لفيلا مؤمنة، حراسة مشددة وكاميرات في كل مكان.
المحامي بتاعه جاله بأخبار أخطر
في حسابات اتفتحت باسمك من غير علمك وفي شركاء تانين لسه برا.
كريم قال
يعني اللي اتقبض عليه مش لوحده.
المحامي هز راسه
للأسف لأ.
بالليل
يوسف كان بيلعب في الجنينة، وكريم واقف بيراقبه من بعيد.
نجلاء قربت منه وقالت
إنت داخل حرب كبيرة.
كريم رد
أنا دخلتها غصب عني بس مش هخرج منها خسران.
فجأة
صوت طلقة!
زاز الفيلا اتكسر!
يوسف صرخ!
كريم جري عليه بسرعة ووقعه على الأرض يحميه بجسمه.
الحراسة بدأت تتحرك، وصوت ضرب نار بره.
نجلاء كانت بتصرخ
يوسف!!
كريم وهو حاضن ابنه
متخافش أنا معاك!
يوسف كان بيترعش
بابا أنا خايف
كريم قال بعزم
وأنا عمري