اسكريبت بقلم هاجر القاضي
_ادخلي يا هانم
رزع باب الشقة فغمضت عيني وأنا عارفة أن الليلة دي مش هتعدي على خير
خدت نفس بهدوء
_احضرلك العشا يا حبيبي
كان لسة هيرد فمدتهوش فرصة
_شكلك جعان والله شكلك جعان
قولت كدا وجريت على المطبخ
شربت ماية وأنا بحمد ربنا من جوايا أنه مجاش ورايا ولسة هحط الكوباية على الحوض لقيته ساند بجسمه على باب المطبخ!
_نص ساعة ضحك ليه كوميدي أوي البيه
حطيت الكوباية على الحوض وقربت منه بهدوء
_محصلش حاجة لكل ده يا زين
رفع حاجبه
_هو بس قال كلمة ضحكتني
_وأيده اللي اتمدت عشان يسلم عليك
حاولت مضحكش عشان ميكسرش دماغي
_وأنت قومت بالواجب يا حبيبي وسلمت مكاني
قلد طريقته
_بس شكلك اتغير أوي يا هاجر ده طلع الجواز بيحلي شجعتيني أني أخد الخطوة.
_وأنا متجوزة مين متجوزاك أنت يعني الراجل بيشكر فيك أهو
_عيل سمج
_أنا مش فاهمة أنت حاطه في دماغك ليه!
قربت منه بهدوء
_
بلعت ريقي بصعوبة وأتأكدت أن ماما كان عندها حق وهي بتقول أن لساني عايز القطع
_لما إيه يا عنيا
في مواقف معينة بتأكدلي أن الجري عمره ما كان نص الجدعنة بل ده الجدعنة كلها!
جريت على أوضة النوم وقفلت على نفسي من جوا بالمفتاح كان عندي بعد نظر لما اصريت أن الاوض لازم يبقى ليهم مفتاح.
خبط على باب الأوضة
_افتحي يا هاجر
_مش فاتحة غير لما تهدي وتسمعني زي الناس المتحضرة
_أنا هادي جدا على فكرة
_هادي! ده أنت شبه الطور الهايج
_يعني مش هتفتحي
_آه
_صدقيني في يوم هتصحى تلاقيني لامم كل المفاتيح دي ورميها
قلعت الطرحة وفردت جسمي على السرير بهدوء
_معايا نسخ تانية متخافش
فضلت قاعدة في الأوضة فترة صغيرة بحيث أني مسبهوش لدماغه وفي نفس الوقت يكون هو بقى أهدى وميحصلش مشكلة بينا
خدت نفس عميق وفتحت الباب
_بسم الله الرحمن الرحيم خضتني يا زين
قولت كدا لما لقيته في وشي اول ما فتحت الباب
_أنت واقف هنا من ساعتها
_متحركتش
زقيته بخفة
_طب اسمحلي أنا اتحرك
دخلت المطبخ فجه ورايا وبدأ يلف حواليا
_تعرف أنا نفسي في إيه شاي
مردش فكملت
_اعملك معايا
جز على سنانه
_يبقى هعملك معايا
_يا صبر أيوب
حطيت الصنية على الأرض وقعدت فقعد جنبي
مسكت كوبايته ونولتهاله وبعدها أخدت كوبايتي وجيت أخد بوء فشدها مني
_زين!
_هسلخك بيها أنا على أخري
قومت وقفت
_شكلك لسة متعصب سلام عليكم.
_اقعدي
قال كدا بنبرة خلتني اتنفض فقعدت
_طيب أكيد اتقدملي عرسان قبلك وهو كان منهم ورفضته شوفت الموضوع بسيط ازاي
_وأنا معرفش أنه اتقدملك ليه
_اولا كنا صغيرين كنت أنا في ثانوي وهو في جامعة خالتو كلمت ماما وماما رفضت وقالتلها بنتي لسة صغيرة ومش هدخل في
_ليه اتقدملك كام يعني
قولت بمرازية
_لأ مش بعد
ابتسمت بيني وبين نفسي بحب اشوفه وهو غيران عليا بصراحة بقى!
مردش وبان على وشه الضيق فنمت على كتفه
_بس في الأخر اخترت مين
ابتسم بهدوء
_من قلة بختي اختارتك أنت
_والله!
_هو أنت متوقع مني أن المفروض احبك وأموت فيك عشان أنت جوزي وحلو وتتحب يعني!
فهم أني بغيظه فرد عليا بنرجسية متلقش غير بيه
_بقى في واحد بوسامتي وحلاوتي دي بردو ميتحبش
_أنت اللي تطول واحدة في جمالي ورقتي!
لف أيده حوالين وسطي وشدد علي
_بصراحة كدا لأ
كمل بهدوء
_عمري ما لمحت واحدة أحلى منك عشان كدا بحس أني عايز أخبيك عن كل الناس وتفضلي معي وبس
رديت بكسوف
_زين!
_أهو بعد زين
أصبحت أؤمن بلقائك فمتى يحين اللقاء!
هاجر_القاضي
حواديت_هاجر
