اهلكني حبه بقلم هدي رامي بارت 2

بارت 2
خلصت ولسه بطلع علشان اشوفه جه ولا لا لكن وقفني ولد كان عمال يداقني حاولت اتجاهله لكن هو كان مصمم.. مره واحده خد بونيه في وشه وكانت من مازن واشتبكوا مع بعض جامد
مازن .خلاص يا مازن كفايه
قولتها بخوف لكنه مردش عليا روحت مسكت أيده وشديته وقولتله بدموع علشان خاطري كفايه ..سابه وشدني وركبنا العربيه
ايه اللي انت عملته ده..
عملت ايه
والله !
كنتي مستنيه ايه يعني. اسيبه يدايقك. ليه شايفاني سوسن
ضحكت على التشبيه وقولت 
مناخيرك بتنزف
اديتله مناديل بقلق ..ابتسم وبصلي
متخافيش .. دي حاجه بسيطه وبعدين انا متعود على الاسوأ من كده ..ضابط بقى
ابتسمت وقولتله 
يعني انت كويس
الحمدالله ..وبعد كده معنتيش تقفي مع اي حد يوقفك
انا موقفتش معاه هو اللي وقف قدامي وكان بيدايقني
اقوم اعجنه تاني يعني دلوقتي
ضحكت وقولت
لا. لا. خلاص
ابتسم وقالي
كلمت باباكي بيقول انهم اتغدوا و خرجوا مع خطيب اختك يجيبوا شويه حجات فهنروح احنا نتغدى بره لحد ما يجوا
ماشي
تحبي تاكلي ايه
اي حاجه عادي
معندناش والله في المنيو الصنف ده
ضحكت وقولت 
طب اقول ايه يعني
قولي عايزه تاكلي ايه
مفيش حاجه في دماغي عادي اي حاجه
خلاص هديكي خيارات
ماشي
ناكل حواوشي
لا
بيتزا
لا
برجر
لا
كفته
لا
لأ تلؤئك امال عايزه ايه
اي اكل عادي 
والله

امال اللي فات ده كان ايه بقى ان شاء الله كان لبس مثلا 
خلاص. خلاص . خلي خلقك اسريتش كده
بصلي بحده
خلاص ناكل كريب
هو لازم ابرقلك يعني علشان تقولي
بصيتله بغيظ ومردتش ..
روحنا المطعم وطلبنا الاكل وقعدنا نتكلم كتير اوي لحد ما الاكل جه واكلنا وروحنا
في الأوضه 
مالك يا بت سرحانه كده ليه
هالا مش سرحانه ولا حاجه
والله على اختك منه برضو 
ابتسمت ..عمري ما عرفت اخبي عليها حاجه
هيح..
هو ايه اللي هيح بالظبط.
مازن
مازن 
مازن .وحلاوه مازن .وعيون مازن .وطول مازن
وايه كمان
بجد انا حاسه ان النهارده احلى يوم في حياتي ..حاسه ان خلاص ده حب حياتي اللي زي ما بشوفو في الروايات..
ربنا يسعدك كمان وكمان وعلى العموم عمو سليم صاحب بابا من وهما صغيرين ومتربيين سوا وهو شخص محترم واكيد ابنو هيبقى محترم زيه..
ايوه يا منه محترم اوي
طب خلاص يا ختي اهم حاجه متهمليش في مذاكرتك
حاضر
وخدي بالك من نفسك هو محترم اه .بس احتياطي بردو..
ضحكت وقولت
حاضر .وسبيني بقى اراجع احداث اليوم في ذاكرتي
لا تراجعي ايه انا عايزاكي تحكيلي كل حاجه بالتفصيل الممل
ابتسمت وقولت
بصي يا ستي.....
وعند مازن كان قاعد في الأوضه بتاعته وجاله تليفون
ايوه يا زوزو..عامل ايه وحشتني..
وانتي كمان
مالك
مفيش .تعبان بس من الشغل ..
هانت يا حبيبي كلها كام شهر وترجع هنا تاني .ونعمل فرحنا ونتجوز بقى .
ايوه .انا هقفل علشان هنام ..
ماشي ياحبيبي تصبح على خير .
وانتي من أهله......
فات كام اسبوع على وجود مازن عندنا في الفتره دي قربنا أوي من بعض وانا حبيتو اوي .اوي اوي يعني
بقى هو كل حياتي .بس بحس فيه حاجه غريبه كده مش عايز يقوللهالي بحسه غريب معظم الأوقات مش عارفه ليه بس بقول يمكن من الشغل.. 
في يوم الباب بيخبط بفتح لقيت..................
بارت 3
كنت لسه خارجة من الأوضة بعد ما خلصت المذاكرة والبيت ساكت جدا... فجأة سمعت خبط على الباب.
روحت أفتحه وأنا بقول بصوت عالي
جااايه يااااهو!
فتحت الباب... ولقيت بنت جميلة جدا شعرها ناعم وطويل لبسها شيك أوي وريحة عطرها مالية المكان.
بصتلي بابتسامة لطيفة وقالت
هو مازن هنا
اتجمدت مكاني شوية وقلتلها باستغراب
أيوه حضرتك
قالت وهي بتضحك بخفة
أنا شهد خطيبه مازن
قلبي وقتها حرفيا وقف ثانية!
بس حاولت أمسك نفسي وابتسمت
أهلا وسهلا اتفضلي هو جوه.
دخلت بثقة كأنها صاحبة البيت وأنا ماشية وراها مش فاهمة حاجة لحد ما شافها مازن.
ابتسم أول ما شافها وقال
شهد!
.
حسيت ساعتها إن في حاجة كسرت جوايا
الضحكة اللي كانت ماليه وشي راحت وكأني فجأة نسيت كل لحظة بينا.
وقفت متسمرة مكاني وابتلعت ريقي بالعافية.
أنا أنا هسيبكم تتكلموا.
خرجت بسرعة على أوضتي قفلت الباب ورايا ووقعت على السرير
الدموع نزلت من غير ما أحس بيها.
كل الضحك والكلام اللي بينا كان تمثيل
ولا أنا اللي كنت بفهم غلط
وبينما أنا غرقانة في دموعي الباب خبط تاني.
ندى افتحي الباب لو سمحتي.
صوته كان هادي بس فيه حاجة مش زي دايما.
مسحت دموعي بالعافية وقولت ورا الباب
في إيه يا مازن
افتحي بس دقيقة واحدة.
فتحت وبصيتله كان واقف ساكت نظرته فيها حزن مش متعوده عليه.
قال بهدوء
كنت ناوي أقولك كل حاجة بس في الوقت المناسب...
رفعت حاجبي وقلتله ببرود
تقصد عن خطيبتك شهد
اتنهد وقال
أيوه
فضل ساكت ثواني وأنا ببصله ببرود رغم إني جوايا كنت بتكسر من غير صوت.
خطيبتك بجد
قالها صوتي وهو بيرتعش شوية.
مازن قرب مني وقال بهدوء
أيوه يا ندى... شهد خطيبتي بس الأمور بينا مش زي ما إنت فاكرة.
يعني إيه مش زي ما أنا فاكرة مش خطيبتك مش بتحبها مش كنت لسه بتضحك معاها قدامي
صوتي بدأ يعلى وأنا مش قادرة أمسك نفسي أكتر.
هو فضل ساكت لحظة وبعدين قال بنبرة فيها وجع
أنا وهي كنا مخطوبين من سنين... بس لما سافرت اشتغلت واتبهدلت اكتشفت إننا اتغيرنا بس لسه فيه ارتباط رسمي ولسه ما عرفتش أخلص منه.
بصيتله بعيون مليانة دموع
وكنت ناوي تقولي إمتى بعد ما أتعلق بيك أكتر
قرب مني خطوة وقال بصوت واطي
ندى أنا من أول يوم شوفتك وأنا مش مرتاح حاسس إن قلبي بيرجع يعيش تاني بس كل مرة كنت بقول لنفسي حرام ما ينفعش وكنت بحاول أبعد.