احببت فتاة الملجا بقلم امل عبدالرازق
زي ما انتي بتكشفي نفسك من غير ما تاخدي بالك جايه ومتنكره ومغيره اسمك وجايبه الموبايل معاكي قولتلك ١٠٠ مرة عمرك ما هتبقي حويطة ولا هتوصلي لذكائي يا هندسه ويوم ما تغيري إسمك تخليه فريده على اسم مامتك الله يرمحها ووحمة الفراولة اللي سابت كل بنات مصر وطلعت في ايدك اكيد مش ناسيها
فريده
مش قولتلك حاسه انه عرفني يا ماما
زين بالرغم ان ذكرت أدله كتير تثبت انك نغم واكيد الموبايل مش دليل كافي ويا ستي خليني اقولك كمان ان الوحمة اللي في ايدك بردو مش دليل أمي قبل ما تنتقل عند اللي خالقها وهي بتطلع آخر أنفاسها قالتلي دا عقاپ ربنا ليا والمړض دا بذنب نغم وأهلها وقالتلي إنها جابتك ملجأ في اسكندرية ولسه هتقول فين الملجأ ولا اسمه إيه كانت روحها طلعت ومن وقتها وأنا نقلت حياتي هنا وبدور عليكي في كل حته وكنت ناوي اجي الملجأ دا بكرا اسأل عليكي واريهم صورتك لأنه كان عليه الدور وسبحان الله انت بفضل الله جتيلي برجلك بس ليه مغيره إسمك وبتحاولي تثبتي إنك واحدة تانيه وليه مرجعتيش البيت من وقتها بس قبل أي حاجه عايزك تقوليلي انا نغم يا زين عشان قلبي يرتاح
نغم أنا نغم يا زين اتفاجئت ان مامتك اټوفت انا تعبت بسببها كتير وعمري ما هسامحها ولو ليها حسنة واحده عملتها ليها هي معرفتي بماما زينه واخواتي في الدار غير كدا لأ وأقولك حاجه أنا مرجعتش البيت بالرغم إني عارفه العنوان وماما كانت مستعدة ترجعني ومعايا الدليل اللي يحبس مامتك ولكن لاقيت عند ماما زينة الحنان والحب ولاقيت عند مامتك اللي عمري ما دوستلها على طرف التعب والمعاناة والإهانة وكانت بتعاملني على إني عدوتها أهلي كانوا لسه متوفين من شهر وهي مرحمتنيش ولا سابتني أحزن عليهم كملت عليا وفي
طلعتني من بيتي وأنا واثقه فيها لكن الغدر في ډمها فرمتني في الشارع ولكن ربك ستار حليم يخليها تسيب القاهرة كلها وتيجي تجيبني قدام الملجأ اللي بابا هو المالك
زين فعلا هي اعترفتلي بكدا بس أنا معرفتش حد ومحبتش اڤضحها لأنها مهما كان امي يا نغم ٣ سنين عندها کانسر وهي متعرفش لحد ما انتشر في جسمها كله وبقى في الډم وانفاسها بقت معدودة ولما عرفت كان فات الأوان خلاص وابويا محضرش عزاها ومش مبرأها من اللي حصلك ومن يوم ما اختفيتي وهو طاردها من البيت وبيبعت ليها فلوس كل شهر كانت بتكابر وضيعت نفسها الله يرحمها ويسامحها بابا تعبان أوي يا نغم انا وعدته مش هرجع غير بيكي مافيش على لسانه غير جملة واحدة بس انا محافظتش على أمانة اخويا وبنته ضاعت بسببي يا ترى عايشه ولا جرالها ايه لا بياكل ولا بيشرب الا بعد ضغط كبير مننا ويارا ربنا هداها وقاعده بيه وبتدعي انك ترجعي بالسلامة وكلنا عايشين على أمل إنك ترجعي يا نغم لازم تيجي معايا النهارده عشان تطمنيهم عليك هيفرحوا أوي
نغم حاضر يا زين بس انا هاجي مع ماما وهرجع معاها أنا مبقتش اعرف أعيش من غيرها هي واخواتي وهما أهلي اللي ربنا عوضني بيهم
زين طب وإحنا يا نغم احنا إللي استحملنا ٩ سنين تعب وخوف عشانك وعليكي إحنا اللي عايشين على أمل رجوعك لينا عايزه تسيبينا وتمشي احنا كمان منقدرش نعيش من غيرك
زينه متقلقش يا ابني ان شاء الله نغم هترجع بيتها وهتفضل وسط اهلها
نغم بس يا ماما
زينه مبسش يا نغم احنا هنيجي نزورك كل شويه
زين أنا بشكر حضرتك من قلبي على رعايتك لنغم وانك عاملتيها بما يرضي الله وحافظتي عليها بشكرك جدا وربنا يجازيكي خير
زينه انا معملتش غير واجبي ونغم بنتي و ان شاء الله
ترجع بيتها وحقها يرجعلها هي دلوقتي أمانه في رقبتك والله فراقها صعب علينا كلنا
زين ان شاء الله مافيش فراق إحنا فرحنا كمان كام شهر على ما ألاقي بيت هنا قريب من الدار عشاني أنا ونغم وبابا واختي هجيبلهم بيت قريب مننا بردو
زينه دا أحلى خبر سمعته في حياتي
نغم
زين فرحي أنا و انت يا عروسه
نغم هو انت اخدت رأيي أصلا ولا كيس فراوله
زين أحلى فراوله شوفتها في حياتي انت عندك رأي تاني غير موافقه
نغم ايوه عندي
زين أكيد موافقه أوي يا بنتي أنا كنت بتخطب منك السنين إللي فاتت وقولت مافيش غيرها تملى قلبي وعيني مش كفايا بعد بقى ولا إيه
نغم اي دا هو عندكم في القاهرة الوضع اتغير والبنات بقت تخطب الولاد
زين شوفتي بقى يا ستي دا انتي فايتك كتير كل شويه كانت ماما تجيب صاحبتها وولادها وتقعدني وانا ما بصدق اطفش منهم
نغم ومين دي اللي تقدر تاخدك مني
زين ايه دا طلعتي واقعه من زمان بقى
نغم لأ مين قال كدا انا اقصد انك ابن عمي وكدا
زين عليا انا بردو بصي يا ماما انا جاي طالب ايد المهندسة نغم فارس المسيري من حضرتك إيه رأيك
زينه ونعم الخاطب والأهل والنسب وأهلا وسهلا بيك يا ابني
نغم كدا فاضل رأي اهم انسان في حياتي عمو صبحي لما يوافق عليك ولي أمري الأول بقى
زين تصدقي أنا مش خاېف الا منه اصلا يلا بسرعة عشان انا قايله في مفاجأه حلوة منتظرها من زمان وهو مستني اهو يا ستي بيرن
نغم استنى استنى أنا اللي هرد ألوو مين معايا
صبحي مش دا موبايل زين بردو
نغم ايوه وأنا السكرتيرة
صبحي وموبايل ابني بيعمل إيه مع السكرتيرة
نغم اصل صوتك وحشها اوي وكان نفسها تسمعه
صبحي وهي والله وحشتني أوي أوي وبقالي سنين مستنيها قبل ما ربنا يأذن بساعتي عايش على ذكراها وصورتها مبتفارقش خيالي نور عيني وحبيبة قلبي كل السنين دي بعيده عني طب هونت عليكي إزاي
نغم اي دا هو انت لحقت تحب السكرتيرة في الكام ثانيه دول
صبحي ما هي بصراحه تتحب أوي
نغم وحشتني أوي يا عمو بالله عليك ما ټعيط دموعك غاليه عندي
صبحي الحمد لله دي دموع فرح بعد حزن طال ٩ سنين وقولي للواد اللي جنبك المأذون زهق وعايز يمشي
نغم مأذون إيه يا عمو مش فاهمه
زين ألف شكر يا حاج كتر خيرك باظت
نغم أنا مش فاهمه حاجه ما تفهمني يا زين هو في ايه
زين مافيش يا ستي كنت بجهز لكتب كتابنا وعايز افاجئك بس كدا
نغم يا سلام ومن غير ما تاخد رأيي
زين أيوه زي ما بقولك كدا بس ربنا يسامحه بوظلي الخطة
نغم دا انا اعترض بقى
زين ايه عايزاني اسيبك تبعدي عني تاني أنا مسيطر على لساني بالعافية فانتهت حلول الأرض ومبقاش غير حل واحد وهو إنك تبقي مراتي النهارده عشان اقول اللي بقالي سنين كاتمه عشان بصراحه مش قادر وكمان متبعديش عني تاني ولا إيه يا عروسه
زينه اتكسفت ووشها احمر تبقى موافقه انت بقى تشوف اتوبيس محترم عشان هتاخد كل اخواتها يفرحوا معاها
زين ودي حاجه تفوتني بردو حالا وهيوصل والمليون جنيه في حساب الدار ومن هنا ورايح أنا ونغم متكفلين بالمجأ واسمحيلي أقولك يا ماما
نغم أنا بحبك أوي يا ماما ربنا ما يحرمني منك يا تاج راسي ونور عيني أنا اتولدت من
جديد لما عرفتك كنتي ليا الأم والأخت والصديقة ولكل اخواتي في الدار شكرا يا ماما على كل حاجه بحبك اوي
زينه أنا بمۏت فيكي مش بحبك بس يا بنتي وبنت الغاليين انت واخواتك أحلى حاجه حصلتلي الحمد لله على نعمة وجودكم وانا بحبك أوي يا نغم
زين طب مافيش بحبك يا زين ولا إيه
زينه لأ مافيش الا بعد كتب الكتاب
زين هو مافيش طيارات هنا اصل خلاص مبقتش قادر اشوفها قدامي من غير ما أخدها واقولها وحشتيني اشمعنا أنا دا ظووووولم
نغم بسسس أذكر الله في قلبك كلها كام سنة وابقى مراتك
زين والله ما هنكمل ٤٨ ساعة يلا اركبي بسرعه يا عروسه عشان المأذون هيطير
زينه بسسس استنى عندك بنتي مش هتركب قدام جنبك إلا بعد كتب الكتاب
زين ماشي يا ماما اصبري عليا بس هو هيقول بارك الله لكما وبارك عليكما وجمع بينكما في خير ومش هسمع لحد تاني غيرها نغم وطرب قلبي
نغم شوفوا ازاي مصمم يشيل ذنوب
زين خلاص خلاص مش هتكلم غير لما نوصل بقولك صحيح انت احلويتي
تمت
أحببت_فتاة_الملجأ
للكاتبة أمل_عبدالرازق
